چپلی کباب
اجزاء
گاۓ کا قیمہ 1 کلو
ثابت دھنیا 1 بڑا چمچہ
سفید زیرہ 1 بڑا چمچہ
انار دانہ 2 بڑے چمچے
انڈا 1
لال مرچ 1/2 بڑا چمچہ
مکئی کا آٹا 2 بڑے چمچے
ہری مرچ 4 ، باریک کٹی ہوئی
کٹی لال مرچ 1/2 بڑا چمچہ
کٹی کالی مرچ 1 چھوٹا چمچہ
پودینہ 1/2 گڈی،باریک کٹا ہوا
ٹماٹر 2 ، گول کاٹ لیں
تیل،گھی حسبِ ضرورت
نمک حسبِ ذائقہ
ترکیب: ایک بڑے برتن میں قیمہ ڈالیں۔ثابت دھنیا اور سفید زیرے کو بھون کر موٹا پیس لیں۔انار دانے کو بھی گرم پانی میں بھگو کر موٹا پیس لیں۔اب سواۓ ٹماٹر کے باقی سارے مصالحے قیمہ میں ڈال کر گوندہ لیں۔انڈا بھی ملا دیں۔آدھے گھنٹے کے لئے ڈھانک کر فرج میں رکھ دیں تاکہ انار دانہ کی کھٹاس آجاۓ۔ایک بڑے فرائنگ پین میں تھوڑا سا تیل ڈالیں۔چپلی کباب کبھی بھی زیادہ تیل میں مت تلیں۔جب تیل گرم ہو جاۓ تو آنچ ہلکی کر دیں۔ذرا زیادہ قیمہ ہاتھ میں لیکر پھیلا درمیان میں ٹماٹر کا ایک ٹکرا چاروں طرف سے اٹھا کر ذرا بڑے سائز کا کباب بنا لیں۔اور پھر تل لیں۔جب کباب سک جائیں تو نکال کر کاغذ پر رکھ دیں تاکہ چکنائی جذب ہو جاۓ۔دہی کے رائتے، چٹنی، گرم نان کے ساتھ پیش کریں۔۔۔
